"هو ينفع أخد كورس Writing بس من غير باقي الإنجليزي؟" سؤال بيتكرر كتير جدًا من أولياء الأمور، والرد عليه محتاج توضيح
2026-10-03 · By Tony Samir Boshra, verified IGCSE/A Level teacher on IG Catalog
"هو ينفع أخد كورس Writing بس من غير باقي الإنجليزي؟" سؤال بيتكرر كتير جدًا من أولياء الأمور، والرد عليه محتاج توضيح
ولي الأمر:
– أنا عايزة أركز على الـ Writing بس.
– حاضر، بس لازم تعرفي إن الـ Writing محتاجة Vocabulary وGrammar وReading كمان، لأن كل مهارة منهم بتقوّي الكتابة.
– لا معلش، أنا من الأول عايزة Writing بس.
– طيب يا حبيبتي، الكتابة مهارة بتاخد وقت وتدريب وممارسة… اصبري شوية.
المشكلة إن الـ Writing مش مادة منفصلة عن الـ English!
مينفعش الطالب يتعلم Writing بشكل حقيقي من غير ما يكون عنده أساس قوي في:
📚 Reading 🧠 Vocabulary 🔤 Grammar 💡 Ideas ✍️ Practice
الـ Writing في النهاية نتيجة لتطور اللغة كلها، مش مهارة نشتغل عليها بمعزل عن باقي المهارات.
وهنا بقى فيه نقطة مهمة جدًا:
ولي الأمر مش متخصص في تدريس اللغة، وده طبيعي جدًا… فممكن يكون شايف إن الحل ببساطة:
"خليه ياخد Private Writing وخلاص."
ويمكن يكون مبسوط إن فيه مدرس هيوافقه على الفكرة دي ويعمل بالضبط اللي هو عايزه.
لكن المدرس المتخصص دوره مش إنه يوافق ولي الأمر في كل حاجة لمجرد إنه يرضيه.
دورنا إننا نقول: إيه اللي الطالب محتاجه فعلًا؟ وإيه الطريق الصح اللي هيطوره؟
لأننا لو مشينا وراء كل طلب من غير ما نستخدم خبرتنا، يبقى إحنا بنقدم خدمة ترضي ولي الأمر… مش تعليم يفيد الطالب.
إحنا مش هنمشي ورا دماغ ولي الأمر لمجرد إنه طلب حاجة معينة. هنمشي مع الصح… حتى لو الصح محتاج وقت وصبر. ✍️
About the author
Tony Samir Boshra is a verified British curriculum teacher on IG Catalog. An experienced IGCSE English teacher with 16 years of teaching experience. He specializes in the British curricula, including Cambridge, Edexcel, and Oxford AQA. He holds CELTA, TESOL, and TEFL View their full teacher profile to see subjects, qualifications, and availability.